Sot fillon gjykimi ndaj ish-krerëve të Ushtrisë Çlirimtare të Kosovës (UÇK), Hashim Thaçi, Kadri Veseli, Jakup Krasniqi e Rexhep Selimi.

Ata do të dalin para trupit gjykues, ndonëse pretendimet e Dick Martyt, nuk u përfshinë as në akuzën fillestare, e nuk janë as në aktakuzën më të re për rastin.

Thaçi, Veseli, Selimi e Krasniqi, që po akuzohen për krime lufte dhe krime kundër njerëzimit.

Ata akuzohen për ndërmarrje të përbashkët kriminale, si vrasje, torturë e trajtim mizor në periudhën 1998-99.

Aktakuza kundër katër drejtuesve të UÇK-së u konfirmua më 26 tetor nga Dhomat e Specializuara. Më 5 nëntor, pasi dha dorëheqje nga posti i Presidentit, Thaçi u arrestua nga policia ndërkombëtare. Specialja e arsyetoi paraburgimin e tij dhe të tjerëve me mundësinë e frikësimit e rrezikimit të dëshmitarëve.

Me të dhënat aktuale që janë paralajmëruar nga palët në rastin për ish-drejtuesit e UÇK-së, verdikti pritet të jepet gjatë vitit 2026.

Kujtojmë se dje në sheshet e Prishtinës është mbajtur organizimi “Marshi për Drejtësi” në shenjë solidarizimi ndaj ish-krerëve të UÇK-së që po mbahen në Hagë.

Në këtë organizim morën pjesë rreth 100 mijë njerëz nga anë e mbanë vendi./Arbresh.info/